
大寶伏藏TD2152གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་དཔལ་རྣོ་བཀྲའི་སྐོར་ལས་རྟ་གླུད་བཏང་བའི་དབུའོ༔ རྒྱས་པའི་ལས་ཚོགས། རྟ་གཟུངས།
51-15-1a
༄༅། །གནམ་ཆོས་ཐུགས་ཀྱི་གཏེར་ཁ་ལས་དཔལ་རྣོ་བཀྲའི་སྐོར་ལས་རྟ་གླུད་བཏང་བའི་དབུའོ༔
༁ྃ༔ གནམ་ཆོས་ཐུགས་ཀྱི་གཏེར་ཁ་ལས་དཔལ་རྣོ་བཀྲའི་སྐོར་ལས་རྟ་གླུད་བཏང་བའི་དབུའོ༔ ༁ྃ༔ ན་མོ་ཧྱ་གྷྲི་ཝཱ་ཡ༔ གནམ་ཆོས་རྟ་གླུད་ནི༔ རྟ་ལ་ལུས་དྲུད་བྱས་པའི་ཟན་ལ་རྟའི་གཟུགས་བྱ༔ ཁམ་ས་ལ་རྟ་གདོན་གྱི་གཟུགས་སོ་སོ་བཟོས་ལ་བཞག་སྟེ་འདི་ལྟར་བརྗོད་དོ༔ ཧཱུྃ༔ ང་ནི་རྟ་ལྷ་རེ་མནྟ༔ རྟ་གདོན་བཅུ་པོ་གཞན་དུ་དེངས༔ རྟ་གདོན་དམར་ནག་ཆེན་པོ་ནི༔ རྟ་ཡི་མགོ་ཅན་ལུས་མདོག་སྨུག༔ ལག་གཉིས་མཁར་གོང་ལྕགས་ཀྱུ་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་དཀར་པོ་ཁོག་ཆེན་ནི༔ རྟ་ཡི་མགོ་ཅན་ལུས་མདོག་དཀར༔ མཁར་གོང་ཞགས་པ་ལག་ན་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་སེར་ནག་འབར་བ་ནི༔ རྟ་ཡི་མགོ་ཅན་ལུས་མདོག་ལྗང་༔ ལག་ན་མཁར་གོང་ལྕགས་སྒྲོག་འཛིན༔ ཁྱོད་ཀྱང་༴ རྟ་གདོན་སྔོ་ནག་ཆེན་པོ་ནི༔ རྟ་ཡི་མགོ་ཅན་ལུས་མདོག་ནག༔ ལག་ན་མཁར་གོང་དབྱིག་པ་འཛིན༔ ཁྱོད་ཀྱང་༴ རྟ་གདོན་སྟོབས་ཆེན་ཉི་མ་ནི༔ རྟ་ཡི་མགོ་ཅན་ལུས་མདོག་དམར༔ 
51-15-1b
ལག་ན་མཁར་གོང་སྤུ་གྲི་འཛིན༔ ཁྱོད་ཀྱང་བདག་གི་དམ་ལ་ཤོག༔ རྟ་གདོན་ཟིན་ཕུང་ཆེན་པོ་ནི༔ རྟ་ཡི་མགོ་ཅན་ལུས་མདོག་དུད༔ ལག་ན་མཁར་གོང་ཆུ་གྲི་འཛིན༔ ཁྱོད་ཀྱང་༴ རྟ་གདོན་མཆུ་རྣོ་ཆེན་པོ་ནི༔ རྟ་ཡི་མགོ་ཅན་ལུས་མདོག་ནི༔ དམར་སེར་དེ་ཡང་ཁྱོད་ཀྱི་མདོག༔ ལག་ན་མཁར་གོང་བཞར་ལོང་འཛིན༔ ཁྱོད་ཀྱང་༴ རྟ་གདོན་ནམ་མཁའི་ལྡིང་འཕུར་ནི༔ རྟ་ཡི་མགོ་ཅན་ལུས་མདོག་སྔོ༔ ལག་ན་མཁར་གོང་འཁོར་ལོ་ཐོགས༔ ཁྱོད་ཀྱང་༴ རྟ་གདོན་ཕ་མེད་མ་མེད་ནི༔ རྟ་ཡི་མགོ་ཅན་ལུས་མདོག་དུད༔ ལག་ན་མཁར་གོང་རལ་གྲི་ཐོགས༔ ཁྱོད་ཀྱང་༴ རྟ་གདོན་ཚེར་མའི་ལུས་ཅན་ནི༔ རྟ་ཡི་གདོང་ཅན་ལུས་མདོག་དམར༔ ལུས་ལ་ཚེར་མའི་ཕུང་པོ་སྐྱེས༔ ལག་ན་མཁར་གོང་མདུང་ཐུང་འཛིན༔ ཁྱོད་ཀྱང་༴ དེ་ནས་རྟ་སྲི་གསུམ་པོ་ཡང་༔ རྟ་སྲི་ཉི་མའི་གདོང་ཅན་ནི༔ རྟ་ཡི་མགོ་ཅན་ལུས་མདོག་ནག༔ ལག་ན་རྩྭ་དུག་མདུང་ཐུང་བཟུང་༔ ཁྱོད་ཀྱང་བདག་གི༴ རྟ་སྲི་དུག་གི་ཁ་དོག་ཅན༔ རྟ་ཡི་གདོང་ཅན་ལུས་མདོག་དཀར༔ ལག་ན་རྩྭ་དུག་རལ་གྲི་ཐོགས༔ ཁྱོད་ཀྱང་༴ རྟ་སྲི་མེ་ཡི་ཚ་ངབ་ནི༔ རྟ་ཡི་གདོང་ཅན་ལུས་མདོག་དམར༔ ལག་ན་རྩྭ་དུག་རྩ་གབ་ཐོགས༔ ཁྱོད་ཀྱང་༴ དེ་ནས་རྟ་གཤེད་བདུན་པོ་ནི༔ རྟ་གཤེད་ཡམ་ཤུད་དམར་ནག་ནི༔ ལུས་མདོག་དམར་པོ་རྟ་དམར་ཞོན༔ ལག་
51-15-2a
ན་རལ་གྲི་མདུང་ཐུང་འཛིན༔ ཁྱོད་ཀྱང་༴ རྟ་གཤེད་སོལ་བའི་བཅུད་ལེན་ནི༔ ལུས་མདོག་ནག་པོ་རྟ་ནག་ཞོན༔ ལག་ན་ལྕགས་ཀྱུ་ཞགས་པ་ཐོགས༔ ཁྱོད་ཀྱང་༴ རྟ་གཤེད་ཁ་ནས་མེ་འབར་ནི༔ ལུས་མདོག་དམར་པོ་རྟ་དམར་ཞོན༔ ལག་ན་མེ་དཔུང་རླུང་རྐྱལ་ཐོགས༔ ཁྱོད་ཀྱང་༴ རྟ་གཤེད་རེག་ཕུང་སེར་པོ་ནི༔ ལུས་མདོག་སེར་པོ་རྟ་སེར་ཞོན༔ ལག་ན་འཁོར་ལོ་དྲིལ་བུ་བཟུང་༔ ཁྱོད་ཀྱང་༴ རྟ་གཤེད་གོ་ཕུང་མེ་འབར་ནི༔ ལུས་མདོག་དམར་སེར་རྟ་དམར་སེར༔ ལག་ན་དབྱུག་གུ་རྒྱ་ཁབ་འཛིན༔ ཁྱོད་ཀྱང་༴ རྟ་གཤེད་མིག་སྟོང་ལུས་གང་ནི༔ ལུས་མདོག་དཀར་པོ་རྟ་དཀར་ཞོན༔ ལག་ན་མིག་རྡོག་མཆེ་བ་འཛིན༔ ཁྱོད་ཀྱང་༴ རྟ་གཤེད་བསམ་ནས་གོད་གཏོང་ནི༔ ལུས་མདོག་སྔོན་པོ་རྟ་སྔོན་ཞོན༔ ཞགས་འཛིན་ཁྱོད་ནི་སྐེ་རིང་བ༔ ཁྱོད་ཀྱང་༴ དེ་ནས་རྟ་བདུད་ཁྱོད་ཉིད་ནི༔ རེས་འགའ་ཁྱོད་མིང་འདི་ལྟར་ཟེར༔ རྡུལ་བརླག་ཆེན་པོ་ཡིན་སྐད་དོ༔ ལ་ལས་ཡང་ནི་མིང་བརྗོད་པ༔ གཤེད་ནག་ད་སོད་ཡིན་སྐད་དོ༔ ལ་ལས་ཡང་ནི་མིང་བརྗོད་པ༔ རྟ་བདུད་ཡིད་ངན་ཡིན་སྐད་དོ༔ ལ་ལས་ཁྱོད་ཀྱི་མིང་འདི་སྐད༔ མིག་རྩེས་གོད་གཏོང་ཡིན་སྐད་དོ༔ རྟ་གདོང་ནག་པོ་རྟ་ནག་ཞོན༔ ལག་ན་ཁྲམ་ཤིང་མེ་ལོང་འཛིན༔ ཁྱོད་ཀྱང་བདག་གི་དམ་ལ་ཤོག༔ 
51-15-2b
གླུད་ཐམས་ཅད་བྱིན་བརླབ་བྱ༔ བསྔོ་བ་ནི༔ རྟ་འདི་རིན་ཆེན་གསེར་ལས་བྱས༔ གསེར་འདོད་ལྷ་འདྲེ་ཡིད་འཕྲོག་ཡོད༔ མིག་གཡས་དུང་ལས་བྱས་པ་ཡིས༔ དུང་འདོད་ལྷ་འདྲེ་མགུ་ཚིམ་ཡོད༔ མིག་གཡོན་གཡུ་ལས་བྱས་པ་ཡིས༔ གཡུ་འདོད་ལྷ་འདྲེ་མགུ་ཚིམ་ཡོད༔ རྣ་གཡས་བཻ་ཌཱུར་བྱས་པ་ཡིས༔ བཻ་ཌཱུར་འདོད་པའི་ལྷ་འདྲེ་རྣམས༔ དགའ་མགུ་ཚིམ་ཐག་ཆོད་པ་ཡོད༔ རྣ་གཡོན་ལྕགས་ལས་བྱས་པ་དེས༔ ལྕགས་འདོད་ལྷ་འདྲེ་མགུ་བ་ཡོད༔ རྫི་མ་ཟངས་ལས་བྱས་པ་ཡིས༔ ཟངས་འདོད་ལྷ་འདྲེ་མགུ་བ་ཡོད༔ རྟ་ཚེམས་དངུལ་ལས་བྱས་པ་ཡིས༔ དངུལ་འདོད་ལྷ་འདྲེ་མགུ་བ་ཡོད༔ པདྨ་རཱ་གའི་ལྗགས་ཡིན་པས༔ པདྨ་རཱ་ག་འདོད་པ་ཡི༔ ལྷ་འདྲེ་ཚིམ་ཐག་ཆོད་པ་ཡོད༔ རྔ་རྔོག་སྤོས་ཤེལ་བྱས་པ་ཡིས༔ སྤོས་ཤེལ་འདོད་པའི་ལྷ་འདྲེ་རྣམས༔ མགུ་ཚིམ་ཐག་ཏུ་ཆོད་པ་ཡོད༔ ལུས་པོ་བཀྲག་མདངས་ཆེ་བ་ཡིས༔ ལྷ་འདྲེའི་མིག་སེམས་འཕྲོག་པ་ཡོད༔ ལུས་ལས་བདུད་རྩིའི་རྒྱུན་འབབས་པས༔ ཡི་དྭགས་བཀྲེས་སྐོམ་ཞི་བ་ཡོད༔ ལུས་ལས་ཟས་སྐོམ་འབབས་པ་ཡིས༔ ཡི་དྭགས་ལྟོག་འབར་ཞི་བ་ཡོད༔ རྨིག་བཞི་ལི་ལས་བྱས་པ་ཡིས༔ ལི་འདོད་ལྷ་འདྲེ་མགུ་བ་ཡོད༔ རྐང་བཞི་ཁྲོ་ལས་བྱས་པ་ཡིས༔ ཁྲོ་འདོད་ལྷ་འདྲེ་མགུ་བ་ཡོད༔ ཤ་རྣམས་རིན་ཆེན་བྱས་པ་ཡིས༔ རི་གནས་ལྷ་
51-15-3a
འདྲེ་མགུ་བ་ཡོད༔ རུས་པ་ལྕགས་ལས་བྱས་པ་ཡིས༔ བྲག་གནས་ལྷ་འདྲེ་མགུ་བ་ཡོད༔ དབུགས་ནི་འཇའ་ལས་གྲུབ་པ་ཡིས༔ རླུང་གནས་ལྷ་འདྲེ་མགུ་བ་ཡོད༔ ཁྲག་ནི་མར་ཁུ་བྱས་པ་ཡིས༔ ཆུ་གནས་ལྷ་འདྲེ༴ སེམས་འདི་དེ་ཉིད་ལས་བྱས་པས༔ མཁར་གནས་ལྷ་འདྲེ༴ རིན་ཆེན་སྣ་ཚོགས་རྩ་རྒྱུས་ཀྱིས༔ ཤིང་གནས་ལྷ་འདྲེ་མགུ་བ་ཡོད༔ ཏང་ཏང་ཤ་ཡི་རི་བོ་ཡོད༔ མེར་མེར་ཁྲག་གི་རྒྱ་མཚོ་ཡོད༔ ཏྲག་ཏྲག་རུས་པའི་བྲག་རི་ཡོད༔ ཡ་ཡ་སེམས་ཀྱི་ནམ་མཁའ་ཡོད༔ ཏང་ཏང་རྩ་ཡི་ནགས་རི་ཡོད༔ འདི་འདྲའི་རྟ་མཆོག་མཐོང་མ་མྱོང་༔ ལྷ་འདྲེ་ཁྱོད་ཀྱིས་མེར་ཁྲག་གི་རྒྱ་མཚོ་ཡོད༔ ཏྲག་ཏྲག་རུས་པའི་བྲག་རི་ཡོད༔ ཡ་ཡ་སེམས་ཀྱི་ནམ་མཁའ་ཡོད༔ ཏང་ཏང་རྩ་ཡི་ནགས་རི་ཡོད༔ འདི་འདྲའི་རྟ་མཆོག་མཐོང་མ་མྱོང་༔ ལྷ་འདྲེ་ཁྱོད་ཀྱིས༴ རྟ་དྲི་བྲོ་སར་ཁྱོད༴ ནམ་མཁས་ཁྱབ་སར༴ སྒྲ་སྐད་ཐོས་སར་ཁྱོད་མ་འདུག༔ མིག་གིས་མཐོང་སར༴ མེ་འོད་མཐོང་སར༴ གནས་འདི་སྐྱུར་ལ་ད་དེངས་ཤིག༔ རྟ་གླུད་ལོངས་ལ་དགའ་བར་གྱིས། །གལ་ཏེ་མི་འགྲོ་འདུག་གྱུར་ན༔ ང་ཉིད་རྟ་ལྷ་ཐུགས་ཁྲོས་ཏེ༔ ཁྱོད་གཞི་ང་ཡིས་གཟུང་བར་བྱེད༔ ཉི་ཟེར་ཕོག་སར་འདུག་པ་ན༔ རེ་མནྟ་ཡིས་རྡུལ་དུ་རློག༔ ཟླ་ཟེར་ཕོག་སར་འདུག་པ་ན༔ རེ་མནྟ་ཡིས་རྡུལ་དུ་རློག༔ 
51-15-3b
ཟས་ཀྱིས་བྲོ་སར་ཁྱོད་མ་འདུག༔ དྲོད་ཀྱི་ཚོར་སར་ཁྱོད་མ་འདུག༔ མེ་ཟེར་ཕོག་སར་འདུག་པ་ན༔ རེ་མནྟ་ཡིས་རྡུལ་དུ་རློག༔ མིག་གིས་མཐོང་སར་འདུག་པ༴ རེ་མནྟ་ཡིས་རྡུལ་དུ༴ དྲོད་ཀྱིས་ཚོར་སར་འདུག༴ རེ་མནྟ་ཡིས་རྡུལ༴ གོས་ཀྱི་ཚོར་སར་འདུག༴ རེ་མནྟ་ཡིས་རྡུལ༴ ཟས་ཀྱི་ཚོར་སར་འདུག་པ་ན༔ རེ་མནྟ་ཡིས་རྡུལ༴ གློག་འོད་ཐོས་སར་འདུག་པ༴ རེ་མནྟ་ཡིས་རྡུལ་དུ་རློག༔ ནམ་མཁའི་ཁྱབ་སར་འདུག་པ་ན༔ རེ་མཱནྟ་ཡིས་རྡུལ་དུ་རློག༔ ཆུ་འདི་རིག་སར་འདུག་པ་ན༔ རེ་མཱནྟ་ཡིས་རྡུལ་དུ་རློག༔ རྟ་དྲི་བྲོ་སར་འདུག་པ་ན༔་རེ་མཱནྟ་ཡིས་རྡུལ་དུ་རློག༔ སྒྲ་སྐད་ཐོས་སར་འདུག་པ་ན༔ རེ་མཱནྟ་ཡིས་རྡུལ་དུ་རློག༔ ཨོཾ་ཨཱརྱ་རེ་མནྟ་ཧཱུྃ་ཕཊ༔ ཧཱུྃ༔ བཞིའི་སྔགས་བརྗོད། །ཅེས་འབུལ་ལོ། །ཞེས་པའང་སྤྲུལ་སྐུ་མི་འགྱུར་རྡོ་རྗེ་དབུང་ལོ་བཅུ་གཉིས་སྤྲེལ་ལོ་དབོ་ཟླའི་ནུབ་སྲོད་ཙམ་ལ་ཐུགས་རྗེ་ཆེན་པོ་འགྲོ་འདུལ་གྱིས་དངོས་སུ་གསུངས་པའོ།། །།


